Een van die grootste uitdagings wat pekanneut-produsente in die gesig staar, is die gewas se geneigdheid tot alternerende drag. Alterne
rende drag by pekanneute word gewoonlik gekenmerk deur een seisoen met baie swaar drag (’n sogenaamde aanjaar), gevolg deur een of meer seisoene met ligte of geen drag (afjaar). Ander variasies van hierdie siklus kan ook voorkom. Die grootste oorsaak tot alternerende drag is swak blomterugkeer eerder as blom- en neutafspening. Albei veroorsaak steeds ’n afname in die aantal neute geproduseer op die boom.
Die grootste faktor wat ’n invloed het op alternerende drag, is genetika, maar die graad daarvan word beïnvloed deur verskeie faktore. Die graad van afspening van blomme en neute word meesal bepaal deur klimaat (veral sonlig), water, insekte, siektes, koolhidraatvlakke en voeding. In die artikel geskryf deur Deon Claassen (Agri Technovation) verduidelik hy die invloed van die beskikbaarheid van energie op twee kritiese fases voor blom naamlik blom-induksie en blomdifferensiasie.
